Fakselna (9th October, 2017)

0
798
views

Kan CM hi tunlai chu a \awng mai mai deuh lo maw? CHAKMA chungchangah te hian a \awng tam deuh a ni. Mizo mipuite hi min zah ve deuh teh se. Chakma te kha ama party hnawhchhuah ni lovin kum 1995 vela MZP-te hma lakna vanga chhuak zawk an ni asin. |awng mai mai tawh suh se, thil hi kan hre ve a nia. Mizote hi kan ^ tawh lo.
Taitea, Az N
———–

Congress leh MNF hian an raldo tur an hai dun ve ve. Inbei lo tur an inbei a, raldo lamah mit len loin pahnihna chuhin an phili mai mai phawt teh se.
Ruata pu
———–

Nizana India leh USA-ten Under 17 World Cup an khelha ka rilrua thil lo awm chu India hian sports lama thlen san tak tak lam aiin induhsakna bawk an la tina niin ka hria. State hrang hrang intihsiakna lian thama Mizoram kan chet \hat tehlul nen, khati zat Manipur Player-te duhsakna an dawng kha ka hrethiam thei lo. Kan tleirawl an luhtir dante kha ka lainat lutuk tlat. India game hi chu sum game a la ni ta reng a nih hi.
Dawr nghak tlangval
No. thup
———–

Tunlai Lirthei intlanchhawk hi kei chu \ha ka ti lo tlat mai. Hei hian traffic jam a tihziaawm viau pawh ka hre lo. Kan ti reng dawn a nih phei chuan, two wheeler a pung chak ngawt ang. Kawng sira lirthei dahtute hnen a\anga kan sorkar-in sum a la mamawh viau hi chuan, kan traffic jam hi a ziaawm tak tak thei chuang lo ang. Tin, heti tak maia tunlaia Gas kan han harsa ta hi, kan sorkar hi ka kham ta khawp mai! |awngkam thiam taka duah hluaha an insawi thiamna hi mipuite hian pawm lo ngam tawh ang u.
Dawrpui Nu
No. Thup
————

Aizawl khaw chhunga Traffic jam nasat chhan hi ka ngaihtuah mai mai \hin a, Traffic Point-a Traffic Police duty thiam leh thiam loh inkar hlatzia ka hre chhuak. Motor khalhtuten kan tlan thei reng tawha kan inngaih pawha min la din luihtir tlat \hin avang hian a \ul aia rei kan tang ta \hin niin ka hria a, Traffic Police an awm loh \um hian ni dang aiin a thawl chang te pawh a awm \hin.
Puia, Aizawl
——————-

Aizawla motor intlan chhawk chu kawngpui a thawl ve phah deuh a, a tihzia reuh khawp mai. Tlan loh nia tlan lui man tur erawh an awm deuh ziah hi chu a zia lo khawp mai. Traffic Department an hausa thur thur dawn a ni mai. Mahse, sorkar hian heng lirthei man a\anga sum tling khawmte hi hman penna tur an hre leh tho lo maw? Aizawl khawpui kawng chhe lutuk siam nan te hian hman theih dan awm se.
No.thup
———-