Fakselna June 20th, 2018

0
691
views

Tukin Zing Daifim zet chu hmuiphuna biak ngai chi tan lo chuan eng thil nge inrawn show a hriat reng reng hleinem le? In news puan reng reng hi a zawi sut vek zel mai. Tukina in news ngat phei kha chu e, a zawi ngawih ngawih mai a ni. Ka beng hlai \ha ve hem hawm tak mai hi TV hmaiah tak mai ka’n si bet chat mai a. Ropui takin engemaw ri chu sawi loh thawm reng reng ka zu hre chuang hlek lova. I hi, feh daih ang ka ti a, nghawngkawl ka la lawk a, chempuiin boruak ka sat tau piap piap a, ka liam ta vang vang a.
Tlangvala

(In Settop Box remote-a Audio tihah khan Left-ah emaw, Right-ah emaw han dah ve chhin la, a \hat mai kan va ring em)
————–

Sorkar chak hi engah hian nge an teh ang aw? Kawng chhe siama hnatlan a ngai ta mai te hi em ni teh nan a kan hman? Chaw ngheia sorkar nawr hi em ni zawk? Nge lei chim tam state record kan siam te hi? Hria kan awm a nih chuan min han hrilh teh u.
Carolini pu
————-

Tukin Vanglaini chhuakah Tuirini kal kai nana mau pum, Mizo tlawmngaihna avanga dawhkai thlalak kan hmu \heuh awm e. Kha lei kha Congress sorkarin cheng vaibelchhe engemawzat a sem ral hnu ai khan zuk \angkai zawk daiha mawle. Congress sorkar hian hma min sawnpui chu sawi loh, kum 1975-a lei an dawh hmasak zawk hun hmalamah khan min let pui leh ta a nih hi. Hmar tlang dung mipuite u, harh rawh u.
Ramveia
————-

MURA leh sorkar inkar thu hi chinfel vat a \ha ang. Sorkar hian inremna a siampui hian a tihpuitlin theih loh tur chu tiam ngai suh se. “Hei hi chu kan thei lo” intihluih tlat chuan kan la inrem thei lo a ni mai tih chin te a neih a ngai. HPC nena inremna pawh a tihpuitlinsak loh chuan an hel leh mai ang. Kan ram hian hahthlakna tak a nei a, chu chu dan a lekkawh lo lutuk hi a ni. Lu meh man te, sa man te han sawi ve mahse zawm a hlawh chuang lo. Sorkar thu miin zawm ena a en loh chuan sorkar a fail tihna a ni a, hlutna a nei tawh lo tihna a ni mai. Sorkara dan leh thupek zawm lo hrem ngam kan mamawh.
RK Sanga
————-

Ka vei ve zawng. Tunlai Zonet Zawlbuk leh Daifim hi a va mumal ta lo ve. Chanchinthar leh Zing Daifim hi a hun takah tih chhuah ni thei se, News headlines puan zawh hma hauha fakna lo lang zut mai hi a inhmeh lo. Tin, Zing Daifim hi ngawi renga rawn kal thut lo hian music hmahruai te kha a awm leh thei em?
7005549469
————-

Zoram politics ti chiritu leh Zoram mipuite thurual thei lova min siamtute chu heng party tenau inthlan dawn a pianga thawhpui tur zawnga vak kual dun dun hote, inthlan a pianga, mahni \ha bera inngaia, a hminga thawk ho, rilru inpawh tak tak si lo. Mahni party hming dah \haa, party thar hming invuah te hi an ni. Party hming thar vuahin inlungrual awm deuha lang siin mahni party (original) hlui kalsan theih tak tak si lo hi an awm fur \hin. Heng ho hi inthlan zawhah chuan mahni party-ah \heuh let lehin an insawi chhe leh chiam a, an thawh ho laia an party-a lo lut neutral tam tak kha an thawhho loh hnuah baihvai taka siamin an bik bo san diak zel \hin. Heng ho hi Zoram mipui hian i hnawl ngam ang u.
LULIANA
————-

MNYF ho kha lo buai duh suh u. Motor te chu a rawng an han hnawih danglama, a man a dang daih mai lawm. Pu Hawla hote hi pui deuh an nia, Kohhran leh NGO ho duh loh ZU an zuar a, a chhiah tlingkhawm kha. NLUP sum a ni leh mai a, an ti nek nek anga an sorkar leh luah mai ang.
BJP pa
————-

ZONET hi HD Channel a va’n sawmbal ta ve. Tun hnaiah phei hi chuan SONY 2 chauh kan en thei. A bill lamah te kan inhrethiam dawn nge ni ta ang le?
Ronald VLC
————

Kristian zaa za awmna state-a hman atan chuan condom fakna hian min tizak ka ti reng a ni.
Zaktheia
————-

NLUP K<t an hman hi ka lo en ve \hin a, hlawhtling riau angin an sawia, thlai thar chi hrang hrang leh ranvulh, dawr siam tih vel hi a hmaa miin eizawn nana an lo hman an pek belh tih loh, NLUP sum ngata tihlawhtling hi za zela pakhat pawh an awm ka ring lo, vote zawnna mai mai a ni. Sawhthing hi kuminah hian kg 1 Rs. 30/-, 40/-in han lei sela chuan Champhai district huam chhungah ringawt pawh hian nuai 20/30 thar an awm nuk anga, nuai 5/10 thar phei chu an tam hle ang. Sum tlem te a sal anga mi manbeh/thunun tum sorkar hi chhungkaw nawmsak duh chuan lo vote lo \heuh turin ka han hrilh che u a ni e.
Khawzawl pa
————-

ZPM ho hi phur awm tak leh lian awm taka lan hi an han tum ve naa, anmahni pawh hian MLA pali pawh neih phak an inring lo.
Duata pu
————-

Pu Rama kan sorkar dawn i ti reng bawk a, cheng nuai khat min lo puk tir teh ka mamawh em mai. Nuai thumin ka rul leh ang che, i sorkar hunah ka SEDP dawn tur i chang mai dawn nia. A let thumin ka rul dawn che a nih chu.
Lalthawvenga
————-

Congress ni lo ho hian sorkar dem an taima hle a, Congress mite an ngawih deuh mai vang hian Congress party hi a chak lo chuang lo. Kan \anrual ngaiin kan la \angrual reng.
VL Ruata
————-

ZONET rawn sawisela rawn seltu khan i duh anga fiah leh lungawina tak tak chuan tupa mahin an hluisak thei lovang che. Khawl hmang a ni tih hriat a \ha e. Ngawih lo chuh ve hram hram teh. Midang zawng zawng pawhin i tawn ang hi kan tawng ve a nia. Fakselna chhiartu kha dam reng se! Pathianin awmpuiin, ZONET enkawltute leh an hruaitute zawng zawng chungah thinlung takin lawmthu ka han sawiin, chibai ka buk a che u.
MS Chhakchhuak, Aizawl pa
————-

Kohhran \henkhat hian ruihhlo zuarte thilpek an dawnsak lo an ti a, CM Lal Thanhawla thilpek hi a lawina kohhran hian an dawng lo ngam em? Bible chuan tisualtu leh tih tirtu hi sual dan thuhmun reng a ti miau mai. Dawnsak bik kan nei a nih chuan Bible kalh, sual lian tak a ni ang. Kohhran dang zawng zawng, YMA leh pawl hrang hrangten a lawina kohhran hi zilh hauhna thufing pek a \ha khawp ang. Rorelna thuhmun hi mipui te duh ber a ni.
THINGTLANG PA
————-

Kum zabi 20-na hnu lama Mizorama Mizo Kristian hian Kohhran leh Biak In hi Thlarau Thianghlim tel lova sakhuanaah kan chantir mek zel ta a ni mai em aw? Mizo Kristiante hian he khawvela thil awm ve satliah ang lekah kan ngai zo ta mek a ni mai em aw? Kohhrana rawngbawltute leh hruaitute leh thuneitute hian Kohhran leh Biak In hi Thlarau Thianghlim tel lova kan enkawla kan hruai a nih phawt chuan he leiah leh chatuan thlengin kan chung a va pik dawn tak em aw!
8014161467
————-

MNF chu NEDA a\angin a inhnukdawk leh maw? An hotupa chu zui mumal tlak a va a ni lo ve.
8787618916
————-