Fakselna June 26th, 2018

0
430
views

Inthlan a hnai tawh, zu zawrh lam sawi a hun tawh lo. Mahni party thil tum \ha sawi a hun tawh. Zu hi chu huain duh lo eng ang mah ila a bo dawn lo. Kohhran tan do rem theih a ni lo. A in duh an awm chhung chuan a awm reng ang. In lo tura inzirtir a fuh ber ang.
Duata pu
————-

Pu Babutea khan party unit kha a dah pawimawhin chakna hmanrua ang hrim khan a sawi a. CM a nih laia BAFFACOS sum te kha a chakna nia a sawi unit te tan leh thingtlang mite tan khan han thehchhuak \ha ve deuh sela, tuna a thusawi pawh hi pawm a nuam deuh tur a le! Mautam sazuin an engmah a ei chhiatsak ve loh te kha a chang tam leh hausakpuite kha an ni hlawm si a, mipui retheite duhsakna dik hi hmuiah ni lovin, thinlungah awm zawk sela, kan ram hi a ding chhuak ve mai tur.
Ramtea, Mizo ngat
————-

ZONET Fakselna hi ka lo en ve ziah a, a tam zawkte hi chuan ram leh hnam kan hmangaihin politics huang a\angin ram kal siam kan tum tlang a ang hle mai a, Pathian tel lo chuan kan ram leh hnam hi a dam thei ngai lovang. Kan ram hian natna dam thei lo Cancer a vei mek a, Reverend pension ten \awng\aina nen kan ram natna chu tihdam tumin an bei mek a, eng tak ang i maw? Ram leh hnam hmangaihna leh \anna chu pawlah ni lovin mimal tin rilru leh ngaihtuahnaah a ni zawk tih te mai hi ka rawn aupui ve a ni.
RENTHLEI CABIN
————-

Eng rilru puin nge MLA i thlan dawn? Sorkar tura i rin berah vote thlak leh i tum em? Dawn ve loh hlauh vangin vote tur ila hre thei lo maw? Boruak kan la thlir ang chu i ti \hin em? Hmelhriat i neih \hatna party lam i hawi leh mai ang maw? Pute chaw mal tla chan ve tawh in ringin vote thlak i tum leh em? NAHAIA chu nise |ANGRUAL PAWL an vote mai tur a nia leh. KRISTIAN, KAL FIMKHUR RAWH HLAUHAWM A HNAI.
FIMKHURA, KK
————-

New Delhi sorkar elected ho leh appointed ho inepna hian mipui thlan sorkar, lal zawk leh thunei zawk tura siam chu ni teh mahse inngaihpawimawh tawn a pawimawhzia a tilang chiang hle mai! Appointed ho hi an \anrual tlat chuan a buai hle thei tih a chiang reng mai!
Citizen
————-

Mizo \awng dik lo leh hmuh ninawm ka tih deuh chu a hmanna tur ni lova ‘hauh’ hman hi a ni. Hauh chu kan thil neih, lei leh ta tura kan duh, kan lo beisei lawk sawina a ni a. Sa kg 1 ka hauh taa, ka lei fel tawh chuan ka ta a ni tawh a, hauh tia la sawi \alh tur a ni lo. Sa kg 1 ka lei, sa kg 1 ka nei a ni tawh mai. Top ten count down-ah pawh zaithiam kha pakhatna a nih tawh chuan la hauh tir \alh tur a ni lo, pakhatna a ni tih mai tur a ni. Pakhatna nih hi va hauh chi pawh a ni lo, a thlangtuten an lo thlang a, pakhatna a ni ta tihna mai a ni e.
Thlirtu
————-

Ekhai! keini thingtlang mipuite chuan ZPM sorkar hun kan va ngahhlel em! Hah lutuk lova sawhthing hmun thlova, kg-ah Rs.50/- zela hralha, Rs. 1,00,000/- hmu mai tura hlim taka hlo han thlawh hun kan va nghakhlel em!
9436195371
————-

Mi \henkhat te chu kan mi hriatchian tawh an nih avangin kan thlang lal duh tawh lova, mi \henkhat erawh chu kan mi hriatchian an nih avang bawkin thlantlin an phu a, mipui erawhin mawh kan phurhna a lian tak zet zet a ni. Tunhnai lawk Tuikual Presbyterian kohhran Biak Inah hmeichhe khawmpui an nei a, kha ta an thupui “RAM CHU LALPA TA A NI” tih thusawitu an Speaker kha aw! A van huaiin a van sawi \ha tak em! |angrualte thil tum leh Motto dik tak a rawn sawi a ni ta ber e. Heng politics \ha lo tak tak avanga kan ram leh mipui min ei chhetu te, kan sorkar hrawn mek leh hrawn hmasak te kha an kal ngaia an kal zel avangin kan ram leh mipui, chhungkua min ti khaw lo zo vek a ni ta ber e. Hawh u, mipuiten kan puan ven sawi chhingin Pathian thu hmanga min kaihhruai tumtu leh rorelna dik taka min hruai duhtu Zoram Poeple’s Movement (ZPM) vote vek turin ka sawm tak meuh meuh a che u.
MS Chhakchhuak, Aizawl
————-

ZPM tan chuan ka campaign hran hauh lova, MNF leh Congress hian ramri chungchang sawi ri ngam reng reng lova therhlo te te zuara an han campaign hi chu ram damna tling lo, campaign mei bul ka vuah tawp.
RK Sanga
————-

Khaile! Khaile! Tunah chuan ZPM-ah hian Zoram mipui beidawngte hian rinna i nghat ngam ang u le. An policy leh hruaitute-ah hian ram leh hnam damna, hmasawnna tluantling a awm dawn e. Kan nin em em, kan hnawl tawh hnu, an \ha lo a ni tih kan hriat bel hle tawh te hi chu ruihchilha \hutchilh reng lovin, Kristian kan nihna ang ngei hian kalsan ngam ila, kan tu leh fa, keimahni tan ngei hian Zoramthar i siam ang u. “HAWH U, I DINTHAR LEH ANG U HMIANG”.
Zoram Tlangau
————-

Tukin Vanglaini article, ‘MLA nih tum a hautak tual tual’ tih Zobiakvela (Masena) ziak ka lo chhiar a, a ngaihnawmin a ziak thiam hle mai. MLA inthlan a hnai a, NEDP sum leh MLA fund nen rorel lai hi an \angrual a nih chuan a ngaihnawm phian dawn e. Mahse, Pu Zobiakvela ziah ang khan MLA inthlanpui hre râna Congress sorkarin pawisa a dah hi kan ram tan a \ha lo hle tih pawm a \ul ta viau mai. Hmasawnna hnathawh lam aia inthlan dawn vanga pawisa dah nghekte hi a zahthlaka, ram hruaitu atan an tlak lohzia a lang chiang viau zawk a nia. Mipui hmangngaihna a ni lo, thang kamna mai a ni e.
Ramhmangaihtu
————-

Fakselnaah hian sorkar kal tawh thiltih dik loh lam ai hian sorkar dinglai thiltih dik loh nia an hriat rawn tarlan hi a tam fe zawk mai a, hetianga sorkar dinglai sawichhiat vak vak hian ram leh mipui tan thil \ha a thlen ang em? Sorkar dinglai tan pawh sorkar hmasa thil lo tih dik loh te, kum engemawzat hnu pawha chhuanlam a hman fo hi a nepthlak. |henkhat hi chu sorkar hian an beisei thil engemaw a pek loh mai avanga lo sawichhe ve chiam chiam te pawh hi an ang. Tuna ruling party mi \henkhat sawi ka hriat chu an MLA pakhat hausa ve tawk tak hi a unaute chu rethei mangkhen an ni awm a sin. A puih ve na te an beisei ve \hin na-in a \anpui duh der lo an ti. Midang tan erawh pa \ha fu chu niin an sawi lawi a. A unaute chu an retheih dawih vang nge an vui ngam chuang lo ni awm tak a ni. He pa ang hi thil \ha ti-ah kan ngai dawn nge misualah? Ruling party MLA ve meuh chuan hetiang em chuan a ti dawn em ni tih te pawh mi a dawn tir a.
Tlangvala
————-

Chiahpui, tun hmaa NE Bualpui tih \hin pa pakhat chuan an khuaa Rural Bank an rin tawh loh thu leh sum an dahte pawh an lak chhuah dawnin an signature ang thlapa lak chhuah tawh a lo ni fur zela tihngaihna an hriat loh thu ka bulah a sawi pek a, mak ka ti viau mai. Bank thuneitute hian enfiahsakin an khaw mipui Bank-a account nei harsatna lo tawk tawhte pawh kawm chiang se a \hat hmel khawp mai.
LT Ralte
————–