Mizoram Truck Drivers’ Association hian lirthei-in buhfai a phurh hmasak dan tur indawt serial tia sawi chungchangah Carrying contractor te lak a\anga harsatna an tawh avangin buhfai phurh hi an chawlhsan rih dawn tih an sawi a, kum 2006 khan Mizoram Carrying Contractor Association (MCCA)-in engemaw chhuanlam siamin MTDA-in Serial-a enkawllai chu an laksak tih an sawi a. MCCA-in Serial a enkawl danah fel lo leh hnawk a tam avangin rei pawh enkawl thei lovin, MTDA kutah pek leh a ni a. Serial enkawl chungchangah hian kum 2 liamta vel a\ang khan MCCA leh MTDA inkarah buaina neuh neuh a chhuak leh a, hei hi Supply Department hmalaknain MCCA leh MTDA-in dawhkan kil-in an sawifel leh a, hetiang a nih mek lai hian tun hnai khan MCCA hian serial enkawl chungchanga an lungawi lohna Supply Director hnenah an thlen a, hei hi sawi ho a nih hnuah MTDA chu Serial enkawl chhunzawm tura tih an ni a. Ngaih\ha taka an awm mek laiin MCCA chu Guwahati High Court, Aizawl Bench-ah zualkovin Supply Department leh MTDA hi an khing ta a ni an ti.
Truck khalhtute hian hetianga MCCA-in hma ala hi an hrethiam lo hle tih sawiin, serial enkawlna a\anga an sum hmuhte chu an pawl inenkawlna sum hnar \ha tak a nih piah lamah MCCA-in serial hi a enkawl a nih chuan ni tina inhlawhfa lirtheiten phurh tur an neih mumal dawn lova, tunah pawh hian serial hi midang enkawl anih chuan MTDA member 700 vein eitur nei lova nghei mai thei dinhmuna an din avangin MTDA in serial hi a enkawl leh hma loh chuan FCI Kudam a\anga buhfai an phurh theih rih loh thu an sawi.
