Finance changtu Chief Minister Pu Zoramthanga’n Mizoram Finance Commission I na term chu kum 2015 march ni 31 khan a tawp tawh tih a sawi a, an rawtna siam hian March ni 31 thleng a la huam avangin a thara din a la ni rih lo tih a sawi.

Eptu group leader Pu Lalduhoma zawhna a chhannaah Pu Rama hian, Mizoram Finance Commission thar din turin finance commission 15-na in rawtna a siam phawt a ngai tih a sawi a, finance commission 15 na-in rawtna a siamte leh hmalakna turte hriat a nih hunah Mizoram Finance Commission thar chu din a nih tur thu a sawi.

Zawhbelhna chhangin Pu Rama chuan, RBI atangin Ways & Means advance nikum April ni 2 khan cheng nuai 54 leh December thla khan cheng nuai 7,175 lak a nih thu leh chungte chu a tukah rulh leh nghal vek a nih thu a sawi a, ways & means advance lak chhan hi account siamremna atan a ni a, lak loh chu sorkar duh dan ber a ni a ti.