Mizoram Education, (Transfer and Posting of School Teachers) Rules 2006 siam\hatna, Amendment Rules 2020 hmang hian Mizorama zirna in awmna hmun khaw hrang hrang te chu an awmna a kilkhawr dan azir zelin, hlawm 4, Schedule 1, II, III, leh IV ah te \hen a ni a, Schedule-I hnuaiah hian Aizawl leh Lunglei khaw chhungte dah a ni a, Schedule II a\anga Schedule IV -ah te khaw hrang hrangte chu a kilkhawr dan mil zela rem chhoh an ni.
Schedule-IV hnuaia dah khaw hrang hrangah te zirtirtu chu kum 3 aia tlem lo an thawk ang a, Schedule-III ah kum 4 aia tlem lo, Schedule-II ah kum 5 aia tlem lo leh Schedule-I ah kum 6 chin an thawk ang a, an thawh mekna aia hmun nuam zawka insawn an duh chuan sorkarah an dil a ngai ang a, an thawh mekna aia hmun nuam lo zawka ngaihah chuan an dil kher loh pawhin sorkarin \ul a tih chuan a sawn thei dawn a ni.
He dan thar hnuaiah hian zirtirtu natonal award leh state award lo dawng tawhte chu duhsak bikna ruahman tel a ni a, natna khirh zual bik veite pawh a bik taka ngaihhnathiam theih dan siam tel a ni bawk a, chung natna chi hrang hrang te chu rules ah hian tarlan tel a ni bawk.
He dan thar hi Assembly rorel inkhawmah School Education Minister Pu Lalchhandama Ralte in a pharh a ni.
