High School Leaving Certificate Examination, 2019-ah hian exam beitu 18,036 zinga 12,324 pass-in, Pass percentage chu 68.33 a ni a, hei hi nikuma Pass Percentage 67.93 aiin, zaa 0.40-in a sang zawk a ni.
HSLC pass thar te hi Regular student 12,219 leh private-a exam mi 105 an ni a; mipa 5,888 leh hmeichhia 6,436 in an pass a. Distinction-ah mi 851 an pass a; First Division-ah 2,863; Second Division-ah 4,516 leh Third Division-ah mi 4,094 an pass a. Fail 5,552 an awm a, zirlai 160 te chu Compartmental Chance pek an ni.
HSLC Result-ah hian top-10 ah mi 19 an lang a, Top 10-a lang zingah hian St. Pauls Higher Secondary School zirlai tam berin mi 8 an lang a, Aizawla St. Joseph Higher Secondary School leh Home Mission School atangin zirlai 2 langin, an ni bak hi Top 10-a zirlai pakhat aia tam thawh an awm lo a. Top 10-a lang zingah Aizawl pawna zirna in 4 an awm a, chungte chu Thingsulthliah-a Radiant Heart School, Lungleia Sacred Heart School, Serchhip-a Marian High School leh Champhaia Methel Mission School an ni.
A pumpuiah mark 500 a\anga mark 476 hmutu St. Pauls Higher Secondary School zirlai Lalhlimpuii, Simon Lalremsiama leh Singokhai Chozah te chu pakhatna an ni a, St. Pauls HSS zirlai, C. Valalruatfeli chu pahnihna leh St. Joseph HSS zirlai, CR. Lalromawia chu pathum a ni a. A ti\ha zual 10-a lang zirlai 19 zinga 12 chu hmeichhia an ni.
Regular Candidate zingah Aizawl District chu a ti\ha ber niin, zaa 81.68 an pass a; Khawzawl District-ah zaa 77.71, Hnahthialah District-ah zaa 74.17, Serchhip District-ah zaa 67.14, Kolasib District-ah zaa 66.19, Champhai District-ah zaa 63.21, Lunglei District-ah zaa 61.15, Saitual District-ah zaa 59.26, Siaha District-ah zaa 58.01, Mamit District-ah zaa 52.82 leh Lawngtlai District-ah zaa 50.67-in an pass a ni.
Sorkar enkawl School-a zirlai exam beitu zaa 63.06 an pass a, Deficit school-ah zaa 92.63, Aided School-ah zaa 59.01, Lumpsum Aided School-ah zaa 67.70, Private school-ah zaa 72.71 an Pass-a, Private Candidate zinga zaa 32.41 an Pass bawk.
Exam zawng zawng pass vekna sikul 72 an awm laiin, Candidate-te fail vekna sikul 24 a awm a. Nikum khan Candidate zawng zawng pass vekna sikul 65 a awm laiin, fail vekna sikul 16` a awm a ni.
Kumin HSLC Exam-ah hian candidate inziak lut 18,594 an awm a, exam leh ta lo 558 an awm a. Subject mala mark 100 hmu an awm lova, mark 99 hmu mi 8 an awm thung.
