Finance Minister, Pu Lalsawta chuan sorkar hnathawkte GPF hlawh neia lakchhuah sak thin an awm nia sawi chu sorkarin a hriatpui lo niin a sawi

0
232
views

Finance Minister, Pu Lalsawta chuan sorkar hnathawkte GPF hlawh neia lakchhuah sak \hin an awm nia sawi chu sorkarin a hriatpui lo niin a sawi. Nimina Congress Bhavan-a inkhawmah he thu hi sawiin, Pu Lalsawta chuan sorkar-in a hnathawkte hlawh a\anga GPF a kawlsak chu a pung a san avangin a theih chin chin pekchhuah an duh zawk niin a sawi a, hemi atan hian Department tinte chu thla 3 dan zelah cheng nuai 3,500 pek \hin an ni a, hnadang thawk hman mang lova Minister hnena GPF dilna lo lut \hin tihreh nan Department tina Officer 24 thlan chhuah hnenah GPF sem tur cheng nuai 100 \heuh kawl tir an ni a, hei bakah hian Secretary liante chu a \ul dan a zira GPF pekchhuah theihna thuneihna pek an ni tih sawiin Pu Lalsawta chuan, hetianga ruahmanna fel tak siam a ni chung hian GPF mamawh si, a ngaihna hre loten an hmuh duh luatah a tithei awma an ngaihte dilsak turin an ngen \hin niin a sawi a, hetianga mi pakhat mai ni lo, mi pali pangate GPF lo buaipui \hinte chuan remchang lain lawmman an lo phut \hin nia hriat a nih thu sawiin, hei hi Finance Department chuan a hriatpui lo tih a sawi bawk.

Nimina Congress Bhavan-a inkhawm hi MPCC General Secretary, Pu TT Zothansanga MLA-in a kaihruai a. Thusawitu dang Minister hlui, MPCC General Secretary ni bawk, Pu C. Chawngkunga chuan, Chakma Autonomous District Council-a thawk dun turin BJP MDC ten an sawm zawk niin a sawi a. CADC-ah hian BJP Ticket-a thlantlinten MNF an thawhpui theih loh avangin Congress Party chu thawhpuiah an rawn sawm a. Khatih lai khan Chawngte-ah BJP hruaitute awm lo mah se, anmahni dawrtute chu lo hnar ngawt theih a nih loh avangin BJP nena thawh dun an remti ta niin a sawi a ni. Pu C. Chawngkunga chuan, BJP nena thawh dunna chu CADC chhungah chauh ni mah se, Mizoram pum ngaihtuahin BJP nen thawhho chu \ha an tih chiah lova, hetihlai hian BJP Ticket-a MDC atana thlante chu Congress party a\anga seat chan loh vanga chhuakte an nih hlawm avangin BJP leh Congress MDC te chu MNF aiin an inhnaih zawk a, MDC-a tlingte hian Party-a an nihna hlipin an duh chuan thawk ho mai se tih thutlukna an siam ta nia sawiin, party hming lang lovin United Legislature Party an din ta niin a sawi a ni.