Sesawng leh Khawruhlian inkara Tuirini lei dawhna tura lui kuang chhunga ban lian ‘Pier’ phun hnathawh mek chu vawiin khan Darlawn Welfare Committee hruaituten an tlawh

0
450
views

Sesawng leh Khawruhlian inkara Tuirini lei dawhna tura lui kuang chhunga ban lian ‘Pier’ phun hnathawh mek chu vawiin khan Darlawn Welfare Committee hruaituten an tlawh. Ban lian phun hnathawktu SLT Infracon Pvt. Ltd. chu furpui thlen hmaa ban phun hna zawh hman tum turin an ngen a, Darlawn Welfare Committee Chairman, Pu Vanlalpara chuan fur ruahtui tlak hmaa lei hi dawhzawh a nih loh chuan Tuivawl Constituency-a khaw 24 leh Chalfilh Constituency-a khaw 13 ten nitin khawsakna mamawh lakluh kawnga nasa takin harsatna an tawk thei dawn tih a sawi a, hemi avang hian sorkar pawhin theihtawp chhuah tura an duhthu a sawi bawk. Pu Vanlalpara chuan, sorkarin lei dawhkaina atan NEDP sum cheng nuai 13 chuang an Sanction tawh nia an hriat thu te, he sum hi hmang \angkai thuai tura hnathawktute an duh thu te sawiin, he hnathawh viltu PWD-te pawh hnathawh a \hat tawk theih nan chik taka an hnathawh dan vil turin a ngen a ni. Pu Vanlalpara chuan, lei dawh hnathawktute tibuai zawng leh harsatna siamsak lo turin mipuite leh Political party te a ngen a, he thil hi inchirhtheh nan leh ham\hatna lak tum nan hmang lo turin party hnathawktute a ngen bawk.

A hmuna kal ZONET palai zawhna chhangin lei dawh hna viltu PWD EE, Pu Lalhmingmawia chuan, lei dawhna tur ban lian phun mek chu Contractor-in kumin May ni 20-a zawh hman a tum tih a sawi a, lei dawh hna pawh fur ruahtui tlak nasat hma ngeia zawh hman an tum thu te, PWD Minister, Pu Lal Thanzara duhdan angin tuna Tuirini k^nna lei lailawk chu tui a tam pawha lirthei tana daikai theih turin Meter 1.2-a sangin Humpipe dah belh hna thawh mek a nih thu a sawi bawk.

Kan Corr. a hmuna kalin a sawi danin lei innghahna tur ban lian phunna tur innghahna foundation chu chhunzawh tawh a ni a, lei do tu tur ban lian pawh engemaw chen chhun tawh ni a, hnathawktu erawh an tam tawk loh thu a sawi a, Tuirini k^nna tur Sub Way an siam lailawk a humpipe dawh hna thawktute pawh an tam tawk loh thu a sawi a, hnathawktute hi PWD EE, SDO leh JE ten an vil a ni.

Puan tawh angin Tuirini bailey bridge thar dawh lai chu kumin February ni 13 khan a chim avangin Sesawng khua mi pakhatin a thih phah bakah pakhatin hliam a tuar a, \hal laia Tuirini k^nna tur lui hnar lamah siam a ni.