Finance Minister, Pu Lalsawta leh Health Minister, Pu Lal Thanzara ten New Economic Development Policy sum hmanga lei damlo enkawlna khawl chi hrang hrang sawmthum chuang nimin khan Aizawl Civil Hospital-ah an hawng

0
338
views

 

Hawna inkhawma thu sawiin Finance Minister chuan NEDP sum hmanga Aizawl Civil Hospital tana khawl \ha leh manto tak tak leite chu mipuite hriselna lam ngaih pawimawh vang niin a sawi a, damdawi in chu theih tawp chhuahin tih changtlun zel tum a ni tih a sawi bawk. Health Minister Pu Lal Thanzara pawhin Mizoram doctor-te thiamna in tlin mahse khawl tha a awm loh chuan phai lama damdawi in lianah damlo thawn a ngai \hin niin a sawia, heng khawlte hi \angkai taka hman a nih chuan phai lama dawmlo thawn a tlem thei dawn niin a sawi bawk.

Heng khawl thar leh hmanraw thar hawn tak te hi hnimhlum khawl changkang Anaesthesia work station pahnih, mechanical ventilator pathum, power supply awm loh thulha hman tur 500KVA diesel generator pahnih, hemodialysis khawl pali, dialysis a hman tur bik tui tihthianghlimna RO Plant – Metcom System pahnih, Oxygen Cylinder lian chi thahnem tak, oxygen siamna Oxygen Generating Plant, drill machine leh spinal surgery set telin ruh zaina hmanraw chi hrang hrang, chhul hmawr endikna colposcope machine & hmanraw dangt, chuap enna, flexible bronchoscope, inzaina khum hydraulic operation table, nauneihna room a dah tur ultrasound machine, nausen thawk harsate enkawlna paediatric ventilator, nausen thawk harsa \anpuitu C.PAP Machine, Endoscopy Machine Olympus Optera, automatic-a tarmit power enna autorepractometer, zunthlumin mit a tihchhiat tur venna khawl YAG Laser, mit natna zawnchhuahna khawl B-Scan, mitmu hnunglam zaina khawl Vitrectomy Constellation, chi hrang hranga theisen test-na, Biochemistry Analyser Erba Chem 7, hormone test-na Mini Vides Immunochemistry Analyser, rang taka thisen test result pe thei Automated Blood Cell Counter Swelab, cancer a nih leh nihloh hre fiah turna biopsy atana khawl tangkai, Automatic Tissue Processor & Microtome machine, mita lungte awm zai lova verha lak chhuahna khawl Laparoscopic Set HD te a ni a.