Khawvel hmun dangte rualin World Population Day, 2018 chu Mizoramah pawh hman a ni. Aizawlah chuan he ni hi Health and Family Welfare Department buatsaihin Dinthar venga an Department Pisa Conference Hall-ah hman a ni

0
454
views

Khawvel hmun dangte rualin World Population Day, 2018 chu Mizoramah pawh hman a ni. Aizawlah chuan he ni hi Health and Family Welfare Department buatsaihin Dinthar venga an Department Pisa Conference Hall-ah hman a ni a, a hmanpuitu Health Principal Director, Dr. F. Lallianhlira chuan, Sorkar-in nupui pasal neih hun kum bituk a siam chu khawpuiah zawm hlawh viau mah se, thingtlang hmun kilkhawr zawkah zawm a hlawh \hat tawk loh avangin hemi atana inzirtirna chu zau zawka kalpui a \ul hle tih a sawi. Sorkar laipui hmalaknaa fa nei tlem tura inzirtirna, Family Planning chu Mizo mipui nawlpui rilru-ah a intuh nghet tawh hle nia sawiin, Dr. F. Lallianhlira chuan, tlawmngai pawl leh Kohhran hialin fa nei tam turin an inzirtir mek niin a sawi a, hei hi an do tihna ni lovin fa nei tam tura inzirtir a nih rual hian mahni chawm zawh tawk leh enkawl theih chin tawk fa nei tura inzirtir tel a \ul hle tih a sawi. Inkhawm kaihruaitu, Health Director, Dr. H. Lalchungnunga chuan, khawvel \ang zel karah mihring an pung ve zel a, hetihrual hian thiamna a san zel avangin mihring dam chen pawh a sei a, mitthi an tlem telh telh a, chumi avanga mihring pung chak lutuk tur venna atan Family planning hi duan a nih thu leh hei hi nau neih dan chintawk thiam tura inzirtirna a nih thu a sawi. World Population Day hmannaah hian Reproductive Child Health (RCH) State Programme Officer, Dr. Hmingthanmawii’n kum 10 chhunga Mizorama mihring pun dan zirchianna leh RCH hnuaia hmalakna hrang hrang a sawifiah a, Family Planning chu fa nei tlem tura inzirtirna ngawr ngawr a nih loh thu sawiin, nu leh naute an hrisel a, \ha taka an \hanlen theih nan leh rual an pawl theih nana inenkawl uluk tura inzirtir chu a thil tum ber pakhat a nih thu a sawi a ni.