Finance Minister, Pu Lalsawta thusawi Mizo Chiefs’ Council-in na an ti

0
205
views

Tun hnaia Finance Minister, Pu Lalsawta’n a thusawinaah hmanlai Mizo late chu mahni hma chauh sial a, mipui chanvo lam ngaihtuah ngai lo leh an rorelsak mipuite ngaihthah leh si anga a sawi chu Mizo Chiefs’ Council-in n^ an tih thu an sawi a. He thil hi Mizo lalte dik lo taka tarlan mualpho tumna leh hmuhsitna ni hiala an ngaih thu sawiin, Pu Lalsawta thusawi chungchangah hian Sorkar-in thuchhuah siama a thusawi kha Mizo lalte chungchang ni lovin, French Revolution hunlaia French lalte, Taj Mahal satu Mughal lal Shah Jahan-a leh Nepal lalte’n an mipuite an ngaihsak loh \hin chungchang a sawina zawk a nih thu a tihchhuah leh tak avangin he thusawi chungchanga hmalak an tumna hmasa chu an sutleh niin an sawi a. Hetihrual hian ram hruaitu zahawm tak takte chu an thusawiah fimkhur a, a dik lo zawnga ngaihsual theih emaw, a \ha lo zawnga mi nghawng thei emaw ang chi chu pumpelh thei se an duh thu Mizo Chiefs’ Council chuan an sawi.