Finance Minister, Pu Lalsawta chuan Champhai District-a leilet neitute chu buh leh bal kham khawp thar chhuah tum turin a fuih. Irrigation & Water Resources Department huaihawta Champhai leh a chhhehvela Irrigation Deptt. tui lak hmangtute inkhawm vawiina Champhai Zotlang Hall-a neihah he thu hi sawiin Finance Minister chuan ram tha tak nei chunga lo neituten buh leh bal tam tawk an thar chhuak lo chu tan lak ngaihzia tilangtu niin a sawi a, an theih bakah sorkarin a tanpui zel dawn tih sawiin, tun aia nasa zawka tan la turin loneitute a fuih a ni. He inkhawma thusawitu dang Agriculture Minister, Pu KS Thanga pawhin Irrigation & Water Resources Deptt. chu lo neih lam ti hmasawntu leh kuthnathawktute innghahna ber a ni tih sawiin, Japan International Cooperation Agency nen tangduna buh leh bal tam zawk thar chhuah tum a nih thu a sawi bawk. He inkhawm hi Irrigation & Water Resources Deptt. Secretary, Pu H. Lalengmawia’n a kaihruai a ni.
