Smart Class Room-ah hian computer dah a ni a, hetah hian pawl 11 leh 12 zirlaite dah luh a ni a, projector hmangin zirna changkang zawka kalpui theih a ni ang. A hawnna inkhawmah hian Dr. K Beichhua chuan, smart class room hian Siaha zirlaite chu khawvel hmundang leh ramchhunga zirlaite el pha tura a chawikan a beisei thu a sawi.
Dr. K Beichhua chuan, Siah district-in hmasawnna nasa tak a dawng tih a sawi a, zirna kawnga hma a sawn theihna tur Noaotla-a EMRS dinna tur lung phum a nih thu a sawi a, ei leh bar, gas leh buhfai supply ah mipuiten harsatna an tawk lo tih a sawi bawk. Dr Beichhua hian Siaha Hospital a tlawh bakah MLA fund cheng nuai 21 senga sak Siaha Vaihpi MTP inpui a hawng bawk.
