German Consul General, Dr. Michael Feiner-a’n nizan khan Larsap, Lt. Gen. Nirbhay Sharma chu a chenna Raj Bhavan-ah a kawm

0
250
views

Magnetic Mizoram Investors Summit, 2018 hmanga lo zin Kolkata-a German Consul General, Dr. Michael Feiner-a’n nizan khan Larsap, Lt. Gen. Nirbhay Sharma chu a chenna Raj Bhavan-ah a kawm. An inkawmnaah Larsap chuan, Mizoramin chak zawka hma a sawn theih nan mimal kaltlanga German sorkar nen thawhhona \ha awm thei se a duh thu a hrilh a, Mizoram chu hmalam pana a kal mek thu leh hun rei lote chhungin hmasawnna avanga Mizoram a danglam hle niin a sawi. Larsap chuan, khualzin hipna, huan enkawl leh eitur sawngbawlna lamah hmasawnna tur tam tak a awm thu leh Mizoram chu a ngaihna hriate tan hmalakna remchang awmna a nih thu sawiin, sumdawngliante chu Mizoramah lo kal a, eng lam hawi zawnga hmalak tur nge tih rawn enfiah se a duh thu a sawi a ni.

Dr. Michael Feiner pawhin Mizoram chu a leilung awm dan a\angin khualzin hipna \ha tak a nih theih thu a sawi a, hemi atan hian mipui pawhin rilru inhawng taka, a danglam biknate zuar thiam tura a duh thu Larsap chu a hrilh a ni.