Vaihlo hman avanga Cancer natna vei theih a nih dan leh pumpelhna tura vaihhlo hman loh a pawimawh zia tarlanna walkathon nei

0
202
views

Vaihlo hman avanga Cancer natna vei theih a nih dan leh pumpelhna tura vaihhlo hman loh a pawimawh zia tarlanna walkathon tukina Vanapa Hall kawt a\anga Millennium Center thlenga neih chu Aizawl Bawrhsap, Dr. A Muthamma-in a vailiam. He walkathon hi Miss India Mizoram Lily Lalremkimi Darnei kaihhruaia neih a ni a, Lily Lalremkimi Darnei hian Miss India 2018-a a telna turah Beauty with a Purpose project atan ‘vaihlo vanga Cancer natna’ thleng tam chungchang leh inven a pawimawh zia a thlang a ni. He walkathon-ah hian National Tobacco Control Programme-a Mizoram State Nodal Officer, Dr. Jane R. Ralte leh Dr. K. Lalfakzuala te, Miss Mizoram 2017 Rody H. Vanlalhriatpuii ten thu an sawi a ni. He walkathon-ah hian Cancer vei \hahnem tak an tel a ni. Lily Lalremkimi Darnei hi kumin June thlaa Miss India thlannaah Mizoram aiawhin a tel dawn a ni.