Goa-a Mizo tangkhang mi 15, hmeichhia 13 leh mipa 2 ten tukin khan Khawzawl an thleng a, Khawzawl Bawrhsap, Pu H. Lianzela hovin thuneituten an lo dawngsawng.

0
50
views

Khawzawl an thlen veleh an hriselna dinhmun endik an ni a, an inkhung hranna tur KVK Farmers’ Hostel leh Tourist Lodge-ah dah nghal an ni. Tun dinhmunah Khawzawl District-a Quarantine Centre leh Isolation Centre-a khunghran mi 153 an awm mek a ni. Khawzawl District-a tangkhang haw hlimte zingah hian RAT hmanga endiknaah reactive mi 4 an awm tawh a, heng mite leh an bula khawsa hnaivai mi 28, an sample endik tura thawnte chu a vaiin a negative vek a ni.