Inkhawmah hian Mizo Department leh Hindi Department zirlaite ten thu an sawi bakah huam zau takin an sawiho a, Mizo leh Hindi \awnga lehkhabu ziak te an phochhuak a ni.
Inkhawm kaihruaitu College Vice Principal Pu Lalremliana chuan “India ram chu \awng hrang hrang hmangtu awmkhawmna tun thlenga lungrual taka an chengho thei chu ropui a tih thu a sawi a, eng hnam pawh an \awng hmuhsit leh hnualsuat ngawt tur a ni lo tih sawiin inzah saka inngaihhlut sak chu mitin mawhphurhna a ni a ti. Pu Lalremliana chuan, mahni pianpui \awng hman dik chu thil tih makmawh a nih thu a sawi a, \awng hman uluk lohvin harsatna a thlen theih thu leh Mizo \awng a ral lohna turin \hangthar ten mawhphurna an neih thu a sawi a ni.
