Mizo High School Field-a lawmna inkhawm hi Home Minister Pu Lalchamliana leh Education Minister Pu Lalchhandama Ralte ten an hmanpui a. Home Minister chuan zirlai te midangte tana hnathawh tur siamsaktu nih tum turin a chah a ni. Education Minister Pu Lalchhandama Ralte pawhin Mizoramin tun dinhmunah zirna lama harh tharna a mamawh tih a sawi.
Jubilee lawmna Inkhawm hi Govt. Mizo High School Principal Pu Lalthanzama’n a kaihruai a ni. Mizo High School hi Mizorama High School Upa ber, February Ni 25, 1944-a din a ni a, Sap Missionary Rev. J.M Loyd-a chuan bul tanin Headmaster hmasa ber a ni a, Kum 5 chhung hlawh nei loin a thawk a ni.
