Pathian hnena Pandal hlanna inkhawm hi YMA general Conference Organising Committee Vice Chairman, Pu TC Zoremmawia’n a kaihruai a, Organising Committee Finance Secretary, Upa F. Liantluanga’n Zofaten he hmun hi Ram leh hnam humhalhna kawnga chakna thar an lakna hmun a nih theih nan te, thinlung thar leh rilru thar nen ram leh hnam tana nasa zawka ke an pen thar lehna hmun a nih theih nan Pathian hnenah a hlan a ni. Inkhawm kaihruaitu Organising Committee Vice Chairman, Pu TC Zoremmawia chuan, he khawmpui thleng tura hma an lak dan leh inkhawmpui thleng tura khawtlang mipui lungrualna nasa tak leh inpekna zawng zawngah lawmthu a sawi bawk.
North Vanlaiphai YMA General Conference Organising Committee chuan, tun thla ni 15 a\anga ni 17 chhunga an thlen turah palai a tam thei ang ber kal turin an ngen a. Hetihrual hian khawmpui hmang tura kalte chu ruihhlo laka fihlim \heuh tur leh hemi kawnga fimkhur \heuh turin an ngen a ni.
