Govt. Region Higher Secondary School, Lawngtlaia NSS volunteer leh Mizoram Gorkha Youth Association, Aizawl ten thisen pe

0
296
views

Govt. Region Higher Secondary School, Lawngtlaia NSS volunteer-ten nimin khan Lawngtlai District Hospital-a damlote tan thisen unit 46 an pe a, a petute hi mipa 39 leh hmeichhe 7 an ni a, Blood Bank-a thawkten an School Hall-ah an thisen hi an laksak a ni. Govt Region Higher Secondary School Lawngtlaiah hian NSS Unit 4 a awm a, Volunteer awm zawng zawng chu 400 an ni.

Mizoram Gorkha Youth Association pawhin vawiin khan Aizawl Civil Hospitala damlote tan thisen Unit 31 an pe a, a petute hi mipa vek an ni a, an thisen hi Blood Bank-a thawkten Khatla Gorkha School Complex-ah an laksak a ni. Thisen an pek chhan hi vawiin, an pawl din champha vawi 41-naa mi dangte tanpuina atan a ni. Mizoram Gorkha Youth Association hi kum 1976 August ni 18 khan din a ni a, Mizoram Gorkha pawl hrang hrang zinga lian ber a ni a, Aizawla General Hqrs. bakah Sub-headquarters 1 leh Branch hrang hrang 16 a nei a, member 4,500 vel an awm a ni.