Lunglei District-a Zobawk Vengthar Branch YMA chuan vawiin khan an din champha vawi 43-na an lawm a, he ni lawmna thupui atan hian Environment humhalh tih an hmang a ni. A lawmna inkhawm, Government High School, Zobawka neihah AMFU President, Pu Joseph H. Thanzuala chuan ram ngaw awm sa humhalh a, ram ngaw siam belh nan thingphun uar tur leh ramsate leh luia nungchate humhalh uar turin YMA member-te a fuih a, Zobawk khua chu Mizorama lui sei ber, Tlawng lui hnara awm a ni tih sawiin, tui hna a awm zel theih nan Tlawng lui hnara ram ngaw humhalh tha turin thalaite a fuih bawk. He ni lawmna inkhawmah hian Lunglei Sub Hqrs. YMA Vice President, Pu Lalrotluanga pawhin fuihna thu a sawi a ni.
