Zirtirtu pahnih sawn chhuah vang hian History Deptt. ah zirtirtu 3 leh English Deptt ah zirtirtu 5 chauh an awm dawn tih zirlaite hian an sawi a, an syllabus an zo hman dawn loh avangin zirlaiten nasa takin an tuar phah dawn niin an sawi.
Zirlaite hian sorkar nawrna avangin college in a zawh bak zirlai lak an nih avangin kum dang aiin zirlai an tam tih an sawi a, hetihlaia zirtirtu an sawn chhuak leh si chu an hriatthiam loh thu a sawi.
English bikah zirlai an tam a, section 4 ah \hen an nih avangin nitin section pakhatin class an nei theih loh phah dawn niin an sawi a, an harsatna sutkian anih hma chuan sorkar nawr zel an tum tih an sawi.
Zirlaite hian thu ziak chi hrang hrang kengin zirtirtu sawn an dem thu te, Zirtirtu transfer-na thupek hnuhlet emaw an aiawh dah tur dah emaw an phut thu te, Zirtirtu sawn kual chu zirna tlakchhiatna a nih thu te an pholang a ni.
Chawhma dar 11:40 vel khan Higher & Technical Deptt. hotute leh Govt.T.Romana College SU hruaitute chu an thil phut chungchangah an inkawm a, kar leh thawh\anniah Minister hoin an thil phut chungchang chu ngaihtuah a nih tur thu Higher & Technical Deptt. hotute hian an hrilh a ni. Hemi hnu hian zirlai hruaitute hian sorkar hotute nen an inbiakna chungchang chu an hruaitu dangte nen an sawiho hnuah kar leh thawhtanni chawhnu dar 3 thleng sorkar ngaihchan an remti a, chawhnu dar 2 vel khan an \in a ni.
