BJP Mizoram State President, Pu Vanlalhmuaka’n ILP nei state-te CAA huam tir a nih ve loh chungchanga MPCC President, Pu Lal Thanhawla’n Amit Shah-a phuahchawp anga a sawi chu a hriat chian loh vang a nih thu leh Pu Hawla chu sorkar thuchhuak chhiar chiang tura a duh thu a sawi.

Pu Hmuaka chuan Mizoram mipui, Political leh NGO-ten CAB huam tir ve lo tura an ngenna chu BJP kaihhruai sorkar laipuiin tihlawhtlingin Mizoram huam tir a ni ve ta lo chu thil lawmawm tak a ni a, Mizoram mipuite \awng\aina tihhlawhtlina a awm chu Pathian hnena lawmthu sawina tham a ni, a ti. CAA-a Muslim sakhaw betute telh an nih ve loh avanga rorelna lai lo taka kalpui nia sawi awm pawh thil hriat chian loh vang a ni tih sawiin, Mizoram State BJP President chuan, he danin a sawi ang hian Afghanistan, Pakistan leh Bangladesh-ah chuan Muslim chu sakhaw lian ber ber an ni vek a, heng mite hian engti kawng maha sakhaw thila harsatna an tawh ve dawn loh avanga huam tir ve lo an ni a ti.