He hri leng mek laka inven dan tur leh a darh zel lohna tura tih tur leh tih loh tur thil chi hrang hrang te, Community Medicine lama mithiam Dr C Vankhuma thuziak behchhanin an zir ho a. Mizoram mipui nawlpui tana hriatthiam awlsam tur zawnga duan, Covid-19 laka him thei tura mipui an fimkhur dan tur tarlanna thuziak chi hrang hrang an tlangzar a, heng thuziakte hi social media lama thehdarh turin an duang a. Chutah chuan pawngpaw chiai lova fimkhur erawh a \ul thu te, kut fai taka sil fo a \ul thu te, kut fai lova mit, hnar leh ka te khawih a him loh thu te, no, thleng leh thildangte inhman\awm loh a him thu te, midangte nena inchibai loh a him thu te, khuh leh hahchhiau dawna ka leh hnar hup a pawimawh thu te, mipui zinga awm tam loh a him thu te tarlan a ni.
