Republic Vengthlang, Hawla Indoor Stadium-a Outdoor Artificial Rock Climbing Wall siam chu nimin khan Sports Minister, Pu Zodintluanga’n a hawng a, sorkarin infiam mite tana hmun hma leh hmanraw \ha tam tak a siam chu \halaiten an hman \angkai thiam a pawimawh thu a sawi a, kum 2016-17 a\anga kumin thlengin sorkarin infiamna chi hrang hrang tan Mizoram hmun hrang hrangah infiamna hmun 9 a siam tawh tih a sawi bawk. Outdoor Artificial Rock Climbing Wall hi Special Plan Assistance fund, Rs. 46,68,825 hmanga siam a ni a, Maharashtra-a StepIn Adventure, North East Circle-in an thawk a, Pu David Zohmangaiha, Mount Everester-in a enkawl a ni. A hawnna inkhawm hi Sports & Youth Services Secretary, Pu H.L. Rochungnunga’n a kaihruai a ni. Hemi hnu hian MizoramState Sports Council General Body Meeting leh hruaitu thar thlanna an nei nghal a, Vice President atan Pu V. Lalzawmliana, Joint General Secretary atan Pu C. Lalrinzuala thlan an ni.
