Health and Family Welfare Board Vice Chairman Dr ZR Thiamsanga’n Aizawl Civil Hospital-a damlo na zual enkawlna tur ICU siam belh mek leh damdawi in tih changtlun hna thawh mekte vawiin khan a enfiah.

0
11
views

Dr ZR Thiamsanga hian tuna Aizawl Civil Hospital-a awmsa bakah ICU leh NICU khum 20 chuang siam belh chu peihfel tep a ni tawh tih a sawi a, hri leng mek kara mipuite mamawh hriain sorkarin hma a la a ni a ti a, nau neihna, labour room leh inzaina hmanrua ur thianghlimna te chu peihfel a nih hunah damloten an chhawr tangkai hle dawn a ni a ti. Civil Hospital kawt, tun hnaia min pawh Engineer te a enpui a, chak zawka hna thawh theih dan tur an sawi ho a ni.

Dr. ZR Thiamsanga hi Hospital and Medical Education director Dr. T Lalhmangaihi, Civil Hospital Medical Superintendent Dr. Lalhmuchhuaka leh damdawi in hotu dangten an tawiawm a ni.