Lengpui \umhmuna Doctor leh thawktu dangte hian khualzin rawn thleng tharte chu Terminal Building an luh hmain coronavirus an vei em tih endikna khawl hmangin an lo enfiah zel a, khualzin te chu an address, an mahni biak pawh theihna tur te, an zin chhungin khawiah te nge an kal tihte, hritlang awmna bulah an awm em tih te, coronavirus lenna Wuhan ah kuminah an kal em tih te, China ah an kal em tih te leh animal leh sea food awmna ah an kal em tih bakah an zin chhuahnaah hritlang khawsik an vei em tih te ziakin an chhantir vek \hin a ni. Zawhna chhangin Lengpui \umhmuna duty te hian tun dinhmunah khualzin rawn thleng te dinhmun an endiknaah Coronavirus vei rinhlelh an la hmuh loh thu an sawi.
Health Deptt hotute hnen a\anga ZONET thudawn danin Coronavirus an vei leh vei loh endik tura an thawn sample result pawh a \ha vek tih an sawi a, China a\anga rawn haw te fimkhur thu a pawn chhuak rih lo tura an tih ni 28 tling tawh te chu an dinhmunah harsatna engmah a awm loh avangin pawn chhuah tir vek an ni tawh tih an sawi a, tun dinhmunah Coronavirus lakah Mizoram ala him nia an hriat thu an sawi.
