Indigo in Lengpui leh Guwahati inkara thlawhna a service tir tur hi ATR thlawhna a ni a, Aizawl atangin Agartala tlawhin Guwahati a pan leh \hin dawn a ni. IndiGo Airlines Vice President Pu Vijay Matta sawi danin Lengpui Airport chu RCS hmalakna hnuaia hmarchhak state a an service zingah a parukna tur a ni a, thla thar ni 29 atangin Kolkata Direct Flight thlawh \an tir theih an inbeisei a, Delhi direct flight a awm theihna tur pawhin hma an la dawn a ni.
Indigo thlawhna in Lengpui \umhmun a rawn thlen hian a lo lawm nan water salute lo pek a ni a. Hemi puala inkhawm tawi Lengpui Terminal a buatsaihah Pu Zoramthanga chuan, Lengpui \umhmun-in thlawhna service thar a nei belh chu lawmawm a tih thu a sawi a, Mizoram mipui tan a \angkai hle dawn a ni a ti a, Lengpui \umhmun atanga la kal na ngai loh Agartala tumhmun tlawh theih a ni tur chu thil chhinchhiah tlak tak a ni a ti. Pu Rama chuan, Lengpui Airport chu changtlung zawka siam turin hmalak a nih thu a sawi a, Lengpui leh Delhi direct flight Mizoramin a mamawh chu Indigo hian tihlawhtling se a duh tih a sawi a ni.
He inkhawmah hian MLA pahni Dr. K. Pachhunga leh H. Lalzirliana, Civil Aviation Principal Consultant Wing Commander Pu J. Lalhmingliana, Airport Authority of India Regional Executive Director Pu Sanjeev Jindal leh mipawimawh dang te an tel a ni.
