Health Minister Dr. R. Lalthangliana’n Mizoramin covid 19 vei a nei ta lo chu lawmawm a tih thu sawiin, a enkawltu Doctor leh thawktute a chhuang hle tih a sawi.

0
16
views

Health Minister hian vawiin khan Zoram Medical College a tlawh a, covid 19 vei enkawltute hlawhtlinna chu fakawm a tih thu a sawi a, an thawhrimna, huaisenna leh inpekna vang a ni a ti a, tun anga Medical College mipui ten an tawngtaipui nasat hi ala awm ngai lo nia a hriat thu a sawi a, an hlawhtlinna chu Pathian vang a ni a ti.
Health Minister hian ZMC a mipa leh hmeichhe Hostel sak mek a enfiah nghal a, a panna kawng laih zauh ngai lai te, electric lak luh dan tur te, tui luan kawr siam that dan tur te a en a, pawisa lam aiin master plan neih that a pawimawh hmasa a, kum 60 tal thlir pha chunga hna thawh a ngai a ni a ti.

Health Minister hi Aizawl South III bialtu MLA Prof. F. Lalnunmawia, Health Secretary Pu H. Lalengmawia, PWD E in C Pu K. Lalsawmvela, Power & Electricity E in C Pu Lalduhzuala leh mipawimawh dang ten an tawiawm a ni.