Health Minister hian Hnahthial tlawhin, District Task Force leh Hnahthial District chhunga Medical Officer te a kawm a, Covid 19 dona kawnga Hnahthial District chhunga hmalaknate leh hmachhawpte an enpui a ni.
Health Minister hian tunhnaia Chennai-a doctor zirlai, mizo nula pakhat covid-19 kai chu a biak pawh thu leh a dinhmun a that thu a sawi a, Mizoram pawn lama awm, covid-19 kai dangte pawh an dinhmun a tha tih a sawi a, Mizoramin hrileng laka a him theihna tura hapta engemawzat a lo beih tawhna chu thawklehkhata awmze nei lova chang thut thei a nih avangin, sorkar ruahmanna siam leh thurawnte mipuiten tha taka zawm hram hram a tul a ni a ti.
Hnahthial bawrhsap Pu Vanlalmawia kaihhruai thutkhawmnah hian Health Secretary Pu H.Lalengmawia leh Health Principal Director Dr.F.Lallianhlira te pawh an tel a ni.
