Hetihlai hian Lawngtlai District mi leh sa mi 46 Chennai atanga special train-a rawn hawte chuan vawiin chhun dar 12 khan Lawngtlai an thleng a, an awmna tura buatsaihah khunghran nghal an ni.

0
43
views

Siaha district mi leh sa mi 146 Tamil Nadu leh Puducherry atanga lo haw te pawhin vawiin khan Bus 7 hmangin Siaha an thleng a, sokarin inkaihhruaina a siam angin fimkhur taka hmuah an ni a, an inkhunghranna tura ruatah dah nghal an ni. Hnahthial District mi leh sa 20 te pawhin tluang takin tukin khan Hnahthial an thleng a, an hriselna te endik a nih hnuah Quarantine Centre-ah dah luh nghal an ni. Tun dinhmunah Hnahthial-a quarantine Centre-ah hian Jharkhand atanga lo haw mi 3 te nen an vaiin mi 23 Quarantine mek an ni a, hetihlai hian Meghalaya atanga lo haw Hnahthial-a Quarantine mi 4 te chu Quarantine hun a zawh tawh avangin tukin vek khan chhuah an ni.

Puduchery leh Tamil Nadu atanga Saitual District-mi leh sa lo haw mi 38 te pawhin tukin khan Saitual an thleng a, Thermal Scanner leh Rapid Antibody Test hmanga endik an nih hnuah khunghran nghal an ni a, Mamit district mi leh sa mi 82 te chuan nizan khan Mamit an thleng a, Rapid Antibody Test-a endik an nih hnuah khunghran nghal an ni a, tunah hian Mamit District chhungah mi 107 quarantine mek an ni.