Coronavirus kai hmuh chhuah sample hi NEIGRIHMS-a endik anih hnuah NIV Pune-in a nemnghet a, a makpa, pilot hnen a\anga a kai chhawn nia rin a ni a, a makpa hi Air India Pilot a ni a, Shillong a thlen hmaa a tlawh zingah Newyourk pawh a tel a ni. Meghalaya Chief Minister Conrad Sangma chuan coronavirus leng mekah kawng engkimah sorkar a inpeih avangin chiai lo turin mipuite a chah a, Shillong leh Nongpoh ah chuan darkar 48 chhung curfew puan nghal a ni a. Bethany hospital hi kharkhip nghal a ni a, March ni 22 hnu lama Bethany Hospital tlawhtute chu sorkara inhriattir turin Meghalaya sorkar chuan mipuite a hriattir nghal a ni.
Shillong-a COVID-19 natna kai thar Mizo pakhat chungchang hi Health Minister Dr R Lalthangliana’n ngaihvenin a thawhna Bethany Hospital leh NEIGHRIMS Hospital a daktawrte vawiin khan a bia a. Damlo hi a dinhmun a \ha a, ICU-ah dah ngai lovin Bethany Hospital private ward-ah enkawl mek a ni. Health Minister Dr Thangtea hian Shillong-a Mizo awmte chu thlaphang lo tur leh harsatna an tawhte Sawrkar thuneitute hnena thlen zel turin a chah a ni.
