Langkaih Group YMA huamchhung Branch hrang hranga YMA member te chu chhun zan zawmin a inchhawka duty zel an tum a. Kanhmun Police Station a OC Pu Zoramsanga chuan vawiin khan 1st leh 3rd bn MAP leh IR Bn a\angin Kawrthah leh Kanhmun inkara duty turte dah belh an ni tih a sawi a, force mite hi ramri hmun hrang hrangah hian sem darh an ni dawn tih a sawi.
Langkaih Group YMA huam chhunga khaw hrang hrang Kanhmun, Luimawi, Thinghlun, Bung\huam, Bawrai Zawlnuam, Zawlnuam |huampui, Zawlnuam Vengpui leh Zawlpui khuaa \halaiten Langkaih lui leh a chhehvel, Tripura lam ramri km 30 leh Assam lam ramri km 50 vel chu chhun zan zawmin an veng zel a, Taitesena Gr YMA lamin ramri hi km engemawzat an veng tel bawk a ni.
Zonet Correspondent Lalnun\awma Fanai in nizana Langlaih lui leh a chhehvela tlaivara duty a tlawh kualnaah Task Force hruaitute chuan Tripura leh Assam a\anga Mizorama luh rûk tumte chu an la dang ping zel tih an sawi a. Tripura lama Tuikuk ten Covid 19 an hre chiang tawk lo leh hlauhna chang an hre lo chu an buaina pakhat a ni tih an sawi a. Tuikukte hian eitur lak nan Mizoram lama luh an tum fo tih an sawi a. Hei bakah hian Tripura lama zu leh ruihhlo lak tum an man \hin tih an sawi bawk.
Aizawl a\anga Zohnahthlak mi \henkhat, Assam leh Tripura-a haw thlak tumte chu Assam leh Tripura lamin luh an phal loh avangin ramri-a awm, Kanhmun khuaah hian an tangkhang \hin a. Assam leh Tripura lam pana chhuk awm tawh rih lo se an duh tih Kanhmun Task Force hruaitute hian an sawi.
Kanhmun Local Task Force hruaitute chuan Assam lam a\anga chawhmeh phurh luh \hin chu March ni 14 ah khan an lo ti tawp tawh a, bungraw luh \hinna te an pin vek avang leh hmun dang an pan a rem ve loh avangin, sorkarin an dinhmun a ngaihtuah a \ul dawn tih an sawi.
Kanhmun leh Assam ramri lei inkarah hian inkharkhip vangin Teak thing phur Truck 35 chu che thei rih lovin a la ding reng a ni.
Tripura lamah coronavirus kai hi mi pahnih an awm tawh a, pakhat zawk chu ramri hnaih, Damcherra bula awm sipai pakhat a ni a, Agartala lamah enkawl mek a ni a. Assam-ah chuan coronavirus kai mi 31 an awm tawh a, nizan lama kan puan, Assam lama ‘Makunda-ah hri leng kai hmuh a awm tawh’ tih kha thu dik lo a ni tih Makunda Christian and Leprosy Hospital hotute chuan Zonet an hrilh a. Thu inhlan chhawn fuh tawk lo vanga tihsual palh a awm hi Zonet News chuan pawi kan ti a, hemi avanga harsatna tawk an lo awm anih chuan an lakah ngaihdam kan dil a ni.
