ZPM hian Thawhtani-a Home Secretary-in thuchhuah a siamah Hmar chhak bial state hrang hrang atanga Mizoram mi lo haw zingah mahni thua lo haw mi 150 an awm thu tarlan a ni tih an sawi a. Mizoram chhung bik chu Covid 19 lakah ala fihlim niin a lang a, sorkar-in state pawn lama tangkhang, a hruai haw te quarantine centre-a dah nghal vek an nih laia hetianga a ruk a ral lo lut an awm chuan Mizoram himna a ti derthawng a ni, an ti.
Sorkar hmalakna piah lama mahni thua lo lutte hi a rang thei ang bera zawng chhuak a, an chhungte zawng zawng nen quarantine centre-a dah nghal tur leh quarantine hun tawp hnuah an chunga hremna khauh tak lek kawh turin sorkar an phut tih ZPM hian an sawi.
