HIV a darh zel loh nana thawktu SHALOM buatsaihin AIDS laka Jail tangte an fihlim theih nana hmalak dan thlir hona vawiin khan Aijal Club-ah neih a ni.

0
237
views

He sawi hona hi MSACS Project Director, Dr. Lalthlengliani’n a kaihruai a, Prison Inspector General, Pu Sang\huama’n Mizoram hmun hrang hranga Jail tang mekte dinhmun leh Jail a tang mekte zinga HIV venna kawnga hmalak dan a sawi a. MSACS Jt. Director, Pi Betty Lalthantluangi’n FHI360 hnuaia Project Sunrise kalpui dan sawifiahin, he Project hian HIV/AIDS dona kawnga MSACS hmalakna nasa taka a puih thu a sawi a ni.

Jail tangte tana hmalak dan sawitu SHALOM Chief Executive Officer, Dr. Chawnglungmuana chuan, MSACS nen \angkawpin Prison Intervention Programme hi kum 2011 a\ang khan kalpui \an a ni tih a sawi a, he Project hi sorkar laipuiin a tihtawp tak avangin Foreign a\anga \anpuina sum an hmuh hmanga kalpui chhunzawm a ni a, kum 2016 a\ang khan FHI360 chuan Project Sunrise hmangin hmarchhak bial State 5-ah HIV dona kawnga hmalakna tichak turin hma an la \an a, hetah hian Jail-a tang mekte zinga HIV a darh loh nana hmalak chu Programme lian tak pakhatah telh a ni tih a sawi. Dr. Chawnglungmuana chuan, khawvel hmun dangah pawh Jail tangte zinga HIV a darh loh nana hmalak chu ngaih pawimawh zingah a tel mek tih sawiin, Mizorama Jail-a tang mek zinga zaa 10 chu HIV hrik pai anga chhut a nih avangin hei hian he hmalakna pawimawhzia a ti lang chiang hle a ni, a ti. Sawi hona tarlan a nih danin, HIV / AIDS (Prevention and Control) Act, 2017 chu Sorkar laipuiin a Pass tawh a, hetah hian Jail-a tang mek HIV veite enkawl pawh telh a ni.