Mizoram sorkar leh Hmar hel pawl, HPCD ten nikuma inremna an ziah laia Home Minister, Pu R Lalzirliana hian Mizoram sorkar leh HPCD ten remna thutlung an ziak ta leh Chief Minister Pu Zoramthanga hmalaknaa Sinlung Hills Council inthlanna tluang taka neih a ni ta chu thil chhinchhiahtlak tak, Hmar mipuite tan thil lawmawm tak a ni, a ti a, Remna leh muanna tel lovin hmasawnna a thleng thei lo va, mipuite pawhin ham\hatna an dawn tur ang an dawn theih loh phah fo \hin a, hetiang harsatna leh buaina thawh \hinte pumpelh theih a ni ta chu thil lawmawm tak a ni a ti.
Pu R Lalzirliana hian, Hmar hnam chu Mizo hnahthlak zingah a \hang duang ber pawl an nih thu a sawi a, an thiamna theihna te chu Mizoram leh Mizo hnam tana hmang zel tura chahin, chi intih bingna awm lo se a duh tih a sawi.
Hmar zirlai inkhawmpuiah hian Rubber & Allied Crops Development Board Vice Chairman Pu Lalrinsanga Ralte pawhin thu sawiin, Lusei, Hmar, Paite, Thadou, Kuki te chu Zohnahthlak hnam peng te vek an ni a ti a, Hmar \awng a boral lohnan humhalh a ngai a, hetihrual hian Mizorama cheng nih chuan inbiak pawhna atana hman ber Lusei \awng thiam tel a \ul a ni a ti. Inkhawmpui hi Manipur MLA Dr. Chaltawnlien Amo leh Sinlung Hills Council Member te pawhin an hmanpui a ni.
