Hnahthial BCM Kanan Biak In bul kawngpui NH 54 khi leh tlahniam chu nizan ruahsur avang khan nasa takin a chetbelh leh a, lirhthei eng chi mah zawh phal a ni lo.

0
279
views

 

He kawngpui hi kumin June ni 11 khan a khi tih hriat a ni a, June ni 12 atangin lirthei lian chi tan zawh khap nghal a ni a. July ni 6 khan nasa takain a chet belh a, kawng pawh hi nasa takin a tlak hniam belh a. Hemi hnu hian lirthei eng chi mah zawh phal a ni lo a. Tun dinhmunah hian kawng hi inches 56 zetin a tlahniam tawh a ni.

Zonet thudawn danin he kawngpui hi Mizoram chimlam a chengte chaklakna ber pakhat a nih avangin Hnahthial SDO (Civil) Pu H.Lalramliana’n Geologist te endik tir a, lei nghet leh nghetlo inzawmna lai niin an lo sawi tawh a. SDO (C) Hnahthial leh PWD (Highway) Sub-Division Hnahthial tangtlang chuan DM&R Deptt ah Cheng Nuai 30.796 senga Retaining wall leh Check dam siamna tur dilna an thehlut tawh a ni. Kawngpui hi thla hnih chhung vel khar a nih tawh avangin lirthei bungraw phur te chu khawchhung inkalpawhna kawngah kal tir an ni a, khaw chhung kawng hian a chhiat phah tawh hle a ni.