Hnahthial District huam chhunga Quarantine Centre-a awmte ei leh in tur thlai chi hrang hrang leh Covid-19 do kawnga hmalakna atan Tarpho Branch YMA ten Hnahthial District Task Force kutah Rs.7,000/- an hlan.

0
39
views

Tanpuina sum leh thlaite hi Hnahthial District Task Force Chairman, District Bawrhsap Pu Vanlalmawia’n a dawng a, Covid-19 avangin ramin harsatna leh manganna a tawh chhoh mek laiin Kohhran leh tlawmngai pawl hrang hrangten sorkar tanpui duhna rilru pua an pen chhuak thin chu lawmawm a tih thu a sawi a, sorkar thuchhuakte zawma tang tlang zel turin mipuite a sawm a ni.

BCM Model Kohhran Hnahthial pawhin district level task force te hmalak zelna turin tanpuina tangkafai Rs.10,000/- an hlan a, MHIP Lungleng Branch-in Rs.5,000/- an hlan bawk a ni.