Hnahthial District Task Force member ten vawiin khan an Chairman, District Bawrhsap Pu Vanlalmawia hovin Pangzawl Damdawi In (PHC), Quarantine Facility leh Govt. Pangzawl High School an tlawh a, Pangzawl Village Task Force hruaitute an kawm bawk.

0
357
views

Pu Vanlalmawia chuan Covid-19 leng mek chu a reh hun tur hriat a nih loh avang leh inkharkhip reng theih a nih loh avangin fimkhur taka nun hman chhoh a ngai dawn a ni a ti a, mipui inhlata awm, Social Distancing leh hmaituamna hmante ngaipawimawh turin mipuite a chah a ni.

Pangzawl Quarantine Facility-ah hian mipa 4 leh hmeichhe 3, an vaiin mi 7 khunghran mek an ni a, Village Task Force hruaitute hnenah Hnahthial Bawrhsap, Pu Vanlalmawia chuan kut tihfaina Hand sanitizer, kutkawr leh tangkafai Rs.5,000/- a pe a ni.

State danga tangkhang, Hnahthial district-a haw thleng tawh mi 147 an awm a, chung zinga mi 36 te Quarantine Centre atangin an chhuak tawh a, midang 101 te chu an la awm mek a ni.