Dr. R. Lalthangliana chuan, Hnahthial-in District thar an neih tak chungchangah tumah inchhuang tur bik an awm chuang lova, a hun takah Pathianin a pe mai a ni, a ti a. Kum 2008-a MNF sorkar hmasa khan Hnahthial District hi tihpui a lo tum tawh a, District thar dinna tur hriattirna pawh tihchhuah vek hman a ni a, hemi a\anga thla 2/1 hnu maia inthlanpuiah MNF chu an tlak tak avangin an tipuitling hman lova, Congress sorkar khan tihpui a tum lo pawh ni chung lovin chhan eng eng emaw vangin an tipuitling hman ta lova, nikum inthlana MNF sorkar thar lo piang khan District thar hi bawhzui nghalin, sorkar lakluh a\anga thla 8-naah chian District thar hi a piang ta a ni, a ti. Dr. R. Lalthangliana chuan, Sorkar-in District thar a tihpuitlin takah te hian District-in a neih tur ang a awm theih nan chak taka hmalak chhunzawm zel a nih tur thu a sawi a, Hnahthial District bikah chuan District Hospital dinna tur Post siam vek a ni tawh a, hei hi arang thei ang bera hnawhkhah tum a nih thu leh District Indutries Centre pawh sorkar kum kal mek chhunga hawn hman tum a nih thu a sawi a, Minister hrang hrangte pawh an Department enkawl \heuh din a nih thuai theih nan chak zawka hmala tura a ngen tawh thu leh an District chhunga inkalpawhna kawngpui hrang hrang pawh tih changtlun chhoh zel a nih tur thu a sawi.
He inkhawm hi Hnahthial Welfare Committee Aizawl Treasurer, Pu K. Lalrodinga’n a kaihruai a, an pawk President, Pu R. Lalmawia pawhin thu a sawi bakah Hnahthial District chhunga khaw hrang hrang Welfare aiawhte pawhin thu an sawi a, tlaiah District thar lawmna ruai an \heh nghal a ni.
