He thu hi tukina NSS in faina hnatlang, Mass Cleanliness Drive Aizawl khawpui a an neih a hmanpuinaah sawiin Pu Robert Romawia Royte chuan, Lammual chu Mizorama khelmual awm zinga Mizote ngaihhlut ni si a, enkawltu awm lo ang maia a bal te, inthiarna leh a vel te a fai lo lutuk chu veiawm a tih thu a sawi a, NSS te hmalakna chhunzawm nan sorkarin a tifaitu tur a dah nghal dawn tih a sawi a, Lammual hmangutte pawhin thianghlimna ngaipawimawh turin a chah a ni.
Pu Robert Romawia Royte hian, NSS volunteers te chu \halai tam tak ruih theih thil laka an fihlim theihna tura venghimtu leh ruihhlo bawiha tangte chhanchhuaktu ni turin a chah a, Mizoram chu hrisel leh fit ber a nih theih nan a hmahruaitu ni turin a sawm a ni.
NSS Volunteer te hi hmun 4 ah in \henin khawpui chhunga bawlhlawh te an thianfai a, Lammualah intawkkhawmin Lammual chung bawlhlawh te an thianfai leh a ni. NSS te hi College leh Higher Secondary School hrang hrang 28 atanga thawk chhuak an ni a, Programme Officer leh Volunteer 800 vel an thawk chhuak a ni.
