Hnam Run-a Pu Zoramthanga thusawi

0
938
views

MNF President Pu Zoramthanga chuan ram, hnam leh sakhaw humhimna hmanraw tha ber chu Nationalism a niin a sawi. An Party thalai hruaitute Meeting vawiina Mizo Hnam Run-a neih-ah he thu hi sawiin, Pu Zoramthanga chuan Mizo zingah hnam thinlung pu-a champion-puitu chu thalaite an ni thin tih sawiin, Mizoram chu chhim leh hmar chhak leh thlangah hnam dang tam takin an hual a, awlsam tak a chimral theih an nih avangin an laka ram, hnam leh sakhua vawn him theihna chu nationalism a ni tih a sawi a ni. Pu Zoramthanga chuan Mizoram chu economic lama nekna atanga ram dangin a chimral loh na turin economic lama hmasawnna tha tawk neih a tul niin a sawi bawk. He inkhawma thusawitu dang MNYF President Pu Lalrinawma MLA pawhin Politics khelh danah ram, hnam leh sakhua him zawnga khel a ngai niin a sawi a, huaisenna, dawhtheihna leh thuawihnate, mahni mihringpuite hlutna zah thiamnate neih a tul niin a sawi a ni. He Meeting hi MNYF Vice President Pu H Ramdinliana’n a kaihruai a ni.