Vawiin Assembly rorel inkhawmah Congress Group Leader, Pu Zodintluanga’n Sorkar-in SEDP lehkhabu a tihchhuahah Assam leh Mizoram ramri chu Bengal Eastern Frontier Regulation 1875 anga pawm a nih thu tarlan a nih laiin Home Minister-in Mizoram leh Assam ramri-ah Department-in pawm a neih rih loh thu a sawi a ni a ti a, Home Minister Pu Lalchamliana chuan, hei hi sawifiahin tun dinhmunah chuan Home Department-in Mizoram leh Assam ramri dik tak pawm a nei lova, ramri chungchang zirchiangtu tur Committee-in an zirchiang mek a ni, a ti a. Tunah hian Committee chuan ramri siamfel turin lehkha pawimawh hrang hrang a khawn khawm mek a ni a ti.
