Vawiina Siaha khawpuia MNF Party Office, Mizo Hnam Runa thuthar lakhawmtute a kawmnaah Pu N. Viakhu chuan, mi dik chuan fiah a ngam tur a ni a, mi dik lote erawh chuan tlanchhiat chu a tihtur dik tak nia a hriat thu sawiin, thuneihna chan duh vanga mahni zahawmna pawh hum thei lo leh mipuite pawh zah zo lova hmalakah Congress MDC-te chu a puh a ni. MADC budget zaa 92.93 chu thawktu hlawhah a kal ral tawh tih sawiin, Pu N. Viakhu chuan, hmasawnna hna thawhna tur leh mipui lam chan tur chu zaa 7 chauh a ni, a a ti a. Budget a\anga mipui chan tur a awm mumal tak loh avang hian Siah Distroct MNF Headquarters chuan sorkar hna lak tawh rih loh a duh a, Governor pawhin hna thar la tawh rih lo turin a ti a, heti chung hian vawiin thlengin hnalak an chawl lova, tunhnai maiah pawh Primary School zirtirtu 40, Middle School zirtirtu 30 leh Forester 6 an la a, Advertisement pawh chhuah lova hna an lakte nen chuan an vaiin mi 200 chuang an la tawh a, hetiang a nih reng chuan MADC Budget zawng zawng hlawhah a kal zo vek lo vang tih a sawi theih loh a ni a ti.
MADC-a MNF Legislature Party Leader, Pu HC. Lalamalsawma Zasai pawhin Congress MDC te hian an mahni sponsor tu leh thlangtlingtu phatsana BJP an zawm chu CCB Rules 12 (5) bawhchhiatna a ni, a ti a. He dan hian MDC tupawh a sponsor tu party kalsana party dang a zawm chuan MDC a\angin a bang tur a ni tih a nih avangin Congress MDC-te chu an bang ngei tur a ni a. BJP an zawm chungchangah Mara District Congress Committee chawpa an zawm loh avangin dan bawhchhiatna a nih thu a sawi.
