Home Minister, Pu R. Lalzirliana hova political party, tlawmngai pawl leh zirlai pawl hruaitute nimina thukhawmin Tripura Bru Camp-a Electoral Roll ennawn an duh loh thu an sawi laiin, Bru camp hrang hrangah te hian Electoral Roll ennawn hna thawh chhoh mek a ni.

0
299
views

 

Election Commission of India-in kumin January ni 1-a kumtling chin laa Tripura Bru Relief Camp 6-a Photo Electoral Roll ennawnna nei leh tura tun thla ni 1 Mizoram sorkar a hriattirna bawhzuiin inthun leh tihdik diltute hman tur form 6,7 leh 8 te chu camp hrang hrangah tun hnai khan sem a ni a. Hemi chungchanga ZONET zawhna chhangin Mizoram Bru Displaced People Forum hruaitute chuan heng form te hi Mamit leh Lunglei District a\angin tun thla ni 6, Thawh\anni khan an dawng a, Kolasib District a\angin vawiin khan an dawng leh tih an sawi. Electoral Roll-a thun belh, tihdik leh tihdanglam diltute zinga Kolasib District mi nia insawite tan vawiin khan hun pek an ni a, Mamit leh Lunglei District mi nia insawia thun belh leh thil tihdik diltute tan naktuk a\angin hun hawn a ni dawn niin an sawi bawk.