Home Minister, Pu R. Lalzirliana’n National Registration of Citizens Assam sorkarin a kalpui mek avanga ramdang mi tlanchhia Mizorama lo lut tur te veng turin District hrang hrang DC leh SP bakah Mizoram House-a thuneitu zawng zawngte hriattirna pek an ni tih a sawi.

0
266
views

 

Vawiina Political Party, tlawmngai pawl leh zirlai hruaitute nen an \hutkhawmnaah Home Minister chuan Mizoram leh State dang inkalpawhna kawng zawng zawngah chik takin mi veivakte enfiah an ni ang a, Mizoram pawn lam mite Inner Line Permit pawh zing taka enfiah \hin a ni ang a, an report chu Home Deptt.-ah thla tin an thehluh a ngai dawn tih a sawi. Hei bakah hian Assam leh Mizoram inri-na laia ramri hre chiang turin Core Committee chuan Environment, Forest & Climate Change Deptt. bul tumin thil enfiah ngai a enfiah a, an report chu Home Deptt.-ah an thehlut tawh a, hei hi hun remchang hmasaah thlirho a ni dawn niin a sawi bawk.