Mizorama Medical College hmasa ber, MIMER-ah vawiin atang khan zirlaiten Class an kal tan.

0
310
views

An College Registrar, Dr. Jane R. Ralte hnen a\anga thudawn danin, zirlaite hi Orientation Class-a bul\anpui phawt an ni a, hei hi ni 5 chhung awh tur niin, vawiina a bul\anna chu Health Commisioner, Pu Lalrinliana Fanai leh MIMER Director, Dr. L. Fimate-in an hmanpui a, Asst. Professor, Dr. Lalrinfela’n zirlaite fuihna thu a sawi bawk. MIMER-ah hian vawiin thleng khan zirlai 85-in Admission an ti tawh a, chung zinga 63 chu Mizo zirlai niin, NRI leh All India quota a\angin zirlai 11 ve ve-in admission hi an ti tawh a. Sorkar laipuia health and Family Welfare Ministry duh danin Admission tih theih hun hi tun thla ni 30 thleng hawn a ni dawn a ni. Puan tawh angin MBBS seat 100 awmna Mizorama Medical College hmasa ber, MIMER hi nimin khan Chief Minister, Pu Lal Thanhawla’n a lo hawng tawh a ni.