Tun hnaia pawl \henkhatin Mizoram hmun hrang hranga Police Station leh Outpost-a lirthei indaih lohna an sawi chu Department chuan a hriatpui thu leh he harsatna sukiang tur hian a theih ang anga hma an lak thu a sawi a. Tun hnaia sorkar laipui a\anga sum hmuh hmangin lirthei thar an lei dawn a, hei hi tihfel vek tawh niin a sawi a ni. Pu R. Lalzirliana chuan, lirthei an lei turte chu Bolero 26, TUV 5, Duster 20, Scorpio 2, Bus 2, 407 2, Ambulance 12 leh lirthei ke hnih nei chi 22, a vaiin lirthei thar 105 niin a sawi a, hengte hi Police Station leh Outpost-a lirthei indaih lohna sutkian nan sem darh a ni dawn niin a sawi a ni. Home Minister chuan Police Station leh Outpost-in Petrol leh Diesel an hmuh tlem avanga harsatna an tawk \hin nia sawi chungchang zawhna chhangin hei hi thudik a nih thu leh tun dinhmunah chuan sum indaih lohna avangin Petrol leh Diesel an dawn \hin chu tihpun theih a la ni rih lo niin a sawi bawk.
