Mizoram Govt. Lumpsum Aided Higher Secondary School Joint Students’ Union-in an thilphut tihhlawhtlin nawr nana lungawi lohna an lantir mekah mipuite thlawpna ti hniam thei zawng leh an thawh hona tichhe thei zawnga Social Media-a thudik tawk lo thehdarh ching an awm nia sawiin, hetiang hi tumahin titawh lo se an duh thu an sawi.

0
257
views

An thilphut tihhlawhtlin nawr nana kawngpui an dan leh Sorkar pisa leh zirna in an khar inrinni leh pathianni atana an tihtawp lailawk chu karleh thawh\an zing dar 6 atanga chhunzawm leh an tum thu sawiin, heng khaw hrang hrang paltlanga zin veivak \hinte chu an thil tum hi lo hriatsak tur leh an hmalakna thlawp turin an ngen a. Hetihrual hian, Education Dapartment a\angin tun hnaiah Higher secondary Schooldin phalna dan, Rules of 2006 tih thuchhuak awm chuan tuna Adhoc Grant-in-Aid a hlankai phuta nuar mek Higher Secondary School 9-te chu a huam ve lo nia sawiin, tuna nuar mek Higher Secondary School 9-te chu kum 2006 hma lama din vek an ni tih mipuiten hria se an duh thu an sawi.

Mizoram Govt. Lumpsum Aided Higher Secondary School Joint Students’ Union chuan, an thilphut tihhlawhtlin nawr nana sorkar pisa leh zirna in an khar leh kawng an dan hian awmzia a nei lo a nih chuan tuna aia na zawka hmalak zel an tum thu an sawi bawk.